【做你背後的男人。男人會做呢三件事代表佢真的很愛妳!】 | What men think | 細細粒

背後.jpg
「佢從來都唔會讚下我,亦唔會話掛住我,同佢傾計問佢意見時,佢都冷冷淡淡咁,好似唔係好想理我……佢係咪已經厭咗我?佢係咪唔愛我啦?」戀愛中既女仔成日會有好多疑問,點解佢會咁,點解佢唔係咁!佢係咪唔再喜歡自己了?其實……係唔係你付予太多你自己既幻想落去呢?有時係對對方冇信心,定係對自己冇信心?冷靜下來,諗一諗,當初認識佢嘅時候,佢嘅性格,佢嘅行為,係咪已經係咁?有些人不擅言詞,愛在心內口難開,雖然佢唔識講甜言蜜語氹你開心,但他總會在生活中直接用行動去關心你,愛護你,你感受到嗎?其實幸福一直默默在你身邊,只是你要更細心去感受他。

1. 你的喜好他都記得
去食飯嘅時候,他總會記得你走蔥少飯;點餐時總比你更快幫你點檸茶少冰少甜;當你買野唔知簡咩顏色問佢時,佢總係能夠選出你其實喜歡嘅顏色。總是會收到他送的小禮物,因為他總是知道你喜歡什麼,見到就會買黎送俾你,唔係想討好你,而係希望你開心。你喜歡唔喜歡嘅一切他都記得,這種默默的付出,默默的默契,也是他愛你的證據!

2. 在你需要陪伴時,他總會在你身邊
生病時佢無辦法令你覺得舒服啲,但佢會默默在一旁陪你,幫你斟茶遞水;感到委屈時,佢無辦法幫你討回公道,但他佢願意做你嘅出氣桶,任由你鬧任由你發洩在他身上;難過時佢無辦法馬上令你笑返,但佢會默默陪在你身旁,心疼著你;感到害怕時,儘管其實佢自己也害怕,但佢仍然會企係你前面,為你遮風檔雨,做你的依靠。然而他依然沒有說出他有多愛你,但在你需要人陪伴的時候,他總在你身旁,給你一個溫柔的擁抱,一個可靠的肩膀。愛情一直都在,其實你也能感受到的,不是嗎?

3. 你在乎的人,他也都在乎
妳既家人、朋友、親戚都認識他,有時仲會幫佢講好說話!佢唔止對你一個人好,佢對你既家人朋友都好好,因為你係佢地心目中是很重要的,所以唔希望因為你們的關係,令你既家人朋友擔心或誤會,大家了解多一點,安心多一點!加上愛屋及烏,冇佢地,都唔會有今日既你,你既朋友,也是他的朋友,你的家人,也是他的家人,這是一件十分體貼既事。佢既諗法很成熟,而且佢真係好在乎你,將身邊的人都照顧好,亦係佢對妳一種無形承諾。如果佢唔愛你,咁佢又何苦做咁多野呢?

每個人都有佢地自己既性格,表達方式亦不一。佢不善言詞,但佢有佢表達既方式,用心去體會,你一定可以感受到佢既心意。講唔講出口有咩關係,最緊要係對你真係真心真意,而且付諸行動。能遇見一個真心相愛的既人唔容易,有咩唔岩慢慢傾到岩,好好珍惜彼此,相信你地一定可以廝守到老。

我要留言