【外表超cool,私底下只對你撒嬌的星座男Top. 3】 | Horoscopes | 小月巴

pixta_2485


唔好以為撒嬌係女人既專利,男人都會對住心愛既情人撒嬌,或者唔會好似女人一樣用甜膩既聲音講野。但對外人cool cool既同時,佢地對情人偶爾既不知所措、無自覺露出來既可愛表情,其實都係專屬於伴侶既撒嬌舉動。

第三名:白羊座
橫衝直撞既白羊仔,有時講說話不經大腦激嬲另一半,或者佢地唔算好聰明,但只要一察覺到你發緊脾氣,就會即刻啟動近乎係裝飾用既大腦,無所不用其極想氹返你笑,搜括腦海入面讚美既字眼,全部用係你身上,又會乖乖坐係你身邊聽你指揮,見到佢手忙腳亂咁,再大既事情都嬲唔落啦!

第二名:水瓶座
即使外表愛理不理,但情人既一舉一動水瓶座都超care,因為佢每分每秒既注意力都係曬你身上,情緒亦會跟隨你既喜怒哀樂而改變。只要你開心,佢就會露出燦爛明媚既笑容;如果悶悶不樂,佢會好似貓仔一樣靜靜地靠近,摸下你整下你,甚至開口問係咪自己做錯事,只有最愛既人先會見到水瓶座呢個無自信既樣。

第一名:天蠍座
天蠍就係神秘既代名詞,開心唔開心都唔會表現出來,只有最親密既愛人先有機會見到佢既情緒變化,天蠍笑起來怕怕醜醜的,如果見你露出發現新大陸既表情,佢地就會好快收起笑容,扭過頭扮無事,或者皺眉頭用好可疑既語氣講:「做咩呀你?」,一切都只係佢害羞時候不自覺既撒嬌行為。

我要留言