【擔心關係平淡如水?這三件小事讓你地既愛情回復活力】 | Love tips | 小月巴

pixta_19329610_XL

兩個人係一齊耐左,唔出聲都知對方諗緊咩。但有時就因為呢種默契,令你地相處無左驚喜,太早變成老夫老妻mode,關係好容易厭悶。就好似每日都食早餐A,連老闆都記得,未落order就自動送到,代表你太單調而唔係專一。其實只要花點心思,就可以令靜止既愛河重新流動。

1. 拍拖十年都需要新鮮感
踏入穩定期,甚至同居既情侶,愛情慢慢變成習慣,一成不變既日子,各自返工放工,放假唔係宅係屋企煲劇,就係去睇戲,真係聽落都無聊。曾經曖昧既時候,佢送你小禮物,你又學整蛋糕氹佢,其實驚喜唔只係追求既手段,就算你地已經確認關係,拍左好幾年拖,都一樣需要保持新鮮感,做一些你地平時唔做既事,星期六同佢去沙田踩單車,或者改變一下衣著style,令佢眼前一亮。小小既變化就可以為關係注入活力,再對望十年都唔怕悶啦。

2. 小小脾氣令對方知你緊張
穩定既關係磨平左彼此既尖刺,有些事你習以為常就覺得無所謂了。體諒佢加班忙碌第13次放你飛機;佢以前會提你返屋企要掛好外套,而家乾脆幫你做好。愛情好似兩塊拼圖,互有凹凸,各有攻防先可以扣緊彼此,如果只為遷就對方,兩個人都將自己既脾氣同原則磨到毫無破綻,兩塊平整的拼圖又點樣放埋一齊呢?當對方太過份既時候,發點小脾氣,畀佢知道你在意,等佢知道要反省下再氹你笑番,打打鬧鬧先係樂趣。但要打握好界線,千其唔好變成野蠻情人。

3. 學識多謝佢對你既好
曾經佢對你既體貼,小至一杯暖水,都會換來你既燦爛笑容,同一句發自內心既「唔該」,由幾時開始,你地將對方既付出視為理所當然,打機煲劇一投入就忘記周圍發生咩事,佢有事想問你,或者只係好心提你夠鐘出門了,都反而被你嫌棄佢阻住你,其實佢唔需要你既回報,佢對你好只係想你開心,但如果你無視、厭棄佢既付出,下一次佢就會猶豫、退卻。學識欣賞同感激佢為你做既事,真心講句「多謝」,輕輕吻上佢既臉頰,比十句百句甜言蜜語更令佢滿足。


我要留言