【他沒有騙你 只是低估了承諾的重量】 | Love tips | 小月巴



pixta_2285499

拍拖既時候總係會應承對方好多事。花心既佢承諾你會專一對你,就算吸煙十幾年都話為左你去戒,放假兩個人窩在沙發上面睇電視,見到節目介紹那些設計感十足,溫馨又豪華既家居,心中一動都會講將來要同你有個一模一樣既家。

無論係深思熟慮過既婚姻諾言,還是因為被你半強逼而應承戒除既懷習慣,只要佢講得出口你都會相信。承諾好重,係因為背負住聽既人全心全意既信任同希望,而呢份重量,亦都同時成為對你對佢既束縛。

如果佢兌現諾言,束縛就會解除;但更多時候,人們都抵受唔住呢份重擔而違背承諾,落得一個騙子既罵名;當初被承諾既你,腦海中美好既幻想被狠狠打破,只留低心痛同失望。

但其實佢無諗過欺騙你或者傷害你,當時講既每一個字都係真心,佢為每一句承諾既希冀唔會比你少。佢唔係唔知道守諾言既困難同付出,依然願意講出口,佢係真心想做到,而且相信自己會為你做到。

只不過佢仍然低估左承諾既重量,隨著時間而不斷加重既壓力,再努力去做反而離目標越遠,最後甚至將你地既感情消磨到盡。

承諾連繫兩個人既關係,同時可以壓碎關係。如果你曾經受傷,原諒那一位曾經失信於你既壞人,以後要繼續相信;如果你曾經背叛過對某人既諾言,要記得有些事係唔可以隨口答應,避免再一次親手傷害你深愛既人。

我要留言