【擔心配唔上另一半?其實你可以活得更自信!】 | Love tips | 小月巴

pixta_23184178_XL

明明兩個人以相同步伐前行,伸手就可以碰到對方。但佢一發力衝刺,事業上有大突破,而你仍然維持相同既步調。你同佢既距離越拉越遠,佢跑得越快,你就越懶惰,失去繼續向前既動力,漸漸連佢既背影都睇唔清。

你覺得自己配唔上對方。即使佢對你一如既往既深情,你卻心驚膽跳,無時無刻都擔心佢遲早會撇低你。

傻女,千其唔好咁諗!愛情無分高低,只要你地之間有愛,就係最匹配既一對。

為另一半有好既發展而開心,亦無需要睇低自己,更唔好諗住以一紙婚書綁住對方既心,帶著自卑既婚姻既唔會有幸福,只會將對方推得更加遠。愛情需要共同成長,你怕佢留低你,其實佢努力發出光芒只係想為你引路,即使呢一刻你仍然落後,只會你願意邁開腳步,就會發現對方依然等你會追上前抓返住佢既手。

際遇有時難以掌握,再努力工作都未必有突破,但你賺到錢可以養活自己,亦賺回向前衝既動力。改變心態都好重要,唔需要急住計算腳步去追趕,將重心放返係自己身上,搵返自己既興趣,放假時候多閱讀增值自己,去跑步游水對身體負責任,成長同進步都係因為要成為更好既自己。

當你為自己而忙碌既時候,就無時間去擔心「自己配唔上對方」呢種無謂既想法。不知不覺之間,找回來既自信同笑容會帶你追上對方既步伐,抬頭就可以見到佢眼中既你一樣閃耀光彩。

我要留言