【再見,再也不見。絕對唔會食回頭草既三個星座】 | Horoscopes | 小月巴

pixta_239416

舊情復熾、翻撻、食回頭草,隨便你點稱呼,有些人分開左先知道對方既好,念念不忘想要再續前緣;但有些人決定左分手就無回頭既打算,心痛又好,懷念都好,佢地相信下一段關係會更美好。

第三名:獅子座
獅子座愛面子,分手後都唔會被人見到自己脆弱既一面,覺得連朋友既安慰說話都係打擊。一旦感情結束,佢地會用最短時間都前度既痕跡抹走,更加唔會回頭,容許對方再有機會傷害驕傲既獅子心。

第二名:水瓶座
「我就回去,別引出我淚水,尤其明知水瓶座最愛是流淚」,千嬅既《可惜我是水瓶座》總結左水瓶男女既愛情觀,愛得有幾投入,分手一刻就有幾崩潰,大哭一場少不免,但水瓶座更多係因為感情消散既事實而傷心,始終脫離左愛情既水瓶座係理智為先,令佢地陷入悲傷既人最好永遠不見。

第一名:人馬座
享受自由既人馬座討厭被束縛,回憶再美好都只係舊人舊事。人馬係只會向前望既一群,既然決定唔再愛你,就唔會回頭,亦唔會接受對方回心轉意。新鮮刺激既未來先更值得人馬座去關注。

我要留言