【一齊幸福肥吧!愛你就要養肥你既三個星座】 | Horoscopes | 小月巴

39919159_xxl

要知一對情侶有幾sweet,睇IG既閃光相太傷眼啦,從佢地身型變化就知得一清二楚!熱戀中既兩個人會有暴肥傾向,亦即係所謂既「幸福肥」。嗱,唔係都市傳說,美國就有研究證實左,如果一對情侶夫妻越深愛彼此,就越容易雙雙變肥仔肥妹。尤其是呢幾個星座,養肥另一半已經成為佢地既人生目標!

第三名:雙魚座
如果你有雙魚座既朋友,就知道佢地一般會偏肥。雙魚情感豐富又愛幻想,用腦好快餓,所以要怒食補充返energy,慢慢就演變成「易肥」體質。如果想瘦,其實雙魚可以好快減到磅,但都有人要啦,肥瘦都無關係。想要將快樂同幸福既感傳畀另一半知道,所以雙魚座好積極同對方分享自己最愛既美食!

第二名:金牛座
金牛座老實、安穩,完全反映係佢地既體型上面,容易餓成日都想食野,搜羅大一串美食名單,隨時準備同朋友或另一半逐一擊破。為滿足口腹之欲,而叫太多餐點,但金牛其實食量有限,尤其係金牛女,食一半就會飽,剩餘既食物全部都入曬男朋友既胃,又點會唔幸福肥呢,直情打風都吹唔散。

第一名:處女座
好難想像完美主義者既處女座,竟然會放縱自己或另一半變肥。但規矩多既處女座係理智型,與其追求虛無既浪漫,不如照顧好自己同伴侶既衣食住行先啦!心思細膩,對伴侶既愛好一清二楚,你未出聲佢就帶你去想食既餐廳,將另一半喂飽飽,一肥一瘦唔好睇,陪伴侶一齊肥,係處女座既美學。

我要留言