【女人愛鮮肉,男人愛御姐,呢三個星座男最愛姐姐型女友】 | Horoscopes | 小月巴

12688060_11493961850

覺得姐弟戀唔長久?咪咁old school啦,而家同姐姐拍拖先係王道!君不見娛樂圈一對又一對既幸福例子,羅仲謙楊怡、王菲謝霆鋒、張家輝關詠荷、楊千嬅丁子高等,每一對都長期sweet sweet,成日幸福放閃。

以前就話男兒有淚不輕彈,但其實每個人都有傷心難過既日子,堂堂男人都會想有人安撫佢既悲傷,足夠成熟可以陪伴佢行人生路既另一半。

第三名:人馬座
人馬座係大男孩,平日同小妹妹行得好埋,開心至上。但姐姐們先係人馬座既真命天女,無論幹練的御姐型,還是親切的大姐姐,都可以將壞男孩治得貼貼服服。尤其是在床上,人馬座好享受跟隨性感姐姐既帶領,一齊步入歡愉既世界。身為一個工作狂,獨立成熟既姐姐有自己既生活,比起經常要男朋友陪既小妹妹,更適合事業為先既人馬座。

第二名:雙子座
年齡並唔係雙子座男人既擇偶條件,伴侶年紀大細唔緊要,開心就好。但好多時候,小妹妹未必跟得上雙子男友太過跳躍既想法,反而人生經驗較豐富既姐姐可以「鎮」得住,可以穿過雙子座矛盾性格既表面,接觸到佢地柔軟、害怕受傷既內心。

第一名:巨蟹座
眾所周知無論男女蟹蟹都「充滿母愛」,樂意幫助有需要既人,同時亦享受被人愛錫既感覺。因此巨蟹最想搵到可以互相依賴、互相撒嬌既另一半。同年紀稍大既姐姐型女友成家立室,最符合巨蟹座心目中溫暖家庭既感覺。

圖片來源:楊千嬅FB、楊怡微博

我要留言