【怕男友同前度藕斷絲連?豁達係因為我對愛情有信心】 | Love tips | 小月巴

22005

大家都話男女對感情好極端,拍拖時期女人會比男人愛得癡纏,分手之後反而係男人會對前度念念不忘,於是,前度成為好多情侶起衝突既原因。熱戀期明明應該好甜蜜,有時卻因為對方同前任剪不斷既關係,而引發一場世界大戰。

對自己揀既對象應該要有信心,但有時佢既舉動同態度又會好令人不安,想質問又怕影響感情,被男朋友覺得自己小氣愛妄想,點算好?

女人之間總會有微妙既競爭心態,由其是對男友前度會有莫名既敵意,再大方既女人都唔鍾意男友同曾經親密既前度保持連絡,但每個人都係獨立個體,有自己既生活圈子,前度也屬於男友既交友圈裡面,和平分手有繼續做朋友既可能,很難要求佢地唔見面。

細心又聰明既男人會識得避嫌,唔會將前度同你作比較。即使社交平台仍然有互相關注,也是禮貌的交流,唔會互send曖昧訊息。萬不得而有要事要約前度見面,都會直接同你講,甚至邀請女友陪同,盡可能令你放心。

可惜一般男人都係神經大條,覺得見前度無問題,但知道女朋友一定吃醋,於是用約朋友、加班等藉口掩飾,但一唔小心被發現其實後果嚴重十倍,就算無做錯都變做錯。

為左唔好畀機會男朋友呃你,亦令自己唔好怪錯人,就由你先講明,介意對方偷偷摸摸既態度多於佢去見前度,下次先同你交代一聲有要事約前度見面,就可以令你唔需要胡思亂想,相信愛你既男人都希望你安心。

呢個方法同樣適用於男朋友見其他異性朋友,既然佢願意講出口,相信你唔會嬲,你都要交出同等既信任,相信佢地係光明正大。大方豁達唔等同放任,而係自信,給彼此適當既空間同自由先會令關係長久。

但如果佢知道你既底線,呢邊答應左要先報備,另一邊又被你發現繼續隱藏行蹤見前度或異性,好明顯係此地無銀既舉動,做錯事先會想隱瞞,心虛唔敢承認。佢背叛左你既信任,即使佢求饒,講任何理由都唔值得再相信。如果一個男人會為過去既美好而傷害你,佢對你既愛只係有限公司,放生都唔需要可惜。

我要留言