【因為太愛所以做錯左!未鬧完交就開始心軟既3個星座】 | Horoscopes | 小月巴

220055

人一發嬲就好易失去理智,衝動講出好傷人既說話,但冷靜落來就會後悔。情侶雙方對大家都很熟悉,深知對方既痛處、弱點,所以火遮眼講出口既指責殺傷力會加倍。心痛,但唔好因為呢句話而判佢死刑,多俾佢一次機會,其實佢真係好愛你!

第三名:雙魚座
感性既雙魚容易被情緒帶住走,小小事反應都好大,一時收唔切火,傷人既句子就漏左出來。一開口佢就知出事,自行腦補你傷心欲絕既畫面,即刻唔敢再嬲,更好擔心會激走你,好快就會扭著耳仔同你say sorry。

第二名:獅子座
「面子重要定係愛情重要?!」呢種電視劇既老梗對白大概就係形容獅子男女,人地得罪佢自然激起佢把火,鬧左先算,有時發現怪錯人,或者望到對方自責既樣子先驚覺鬧得太過火,心裡會覺得後悔,但道歉既說話永遠無辦法似指責一樣流利講出口。

第一名:雙子座
雙子座平時做人圓滑,固執起來就好難應付,尤其是發脾氣既候極度難纏,好口才同急智全部用來同你吵架,其他人傳聞、無心既藉口都講得出口,其實佢完全係無心既。大家心平氣和之後,如果你肯先低頭,反而會令佢開始反省自己有無做錯。

我要留言