【多謝你,我的情人甲!懷抱勇氣下次就能遇見真正男主角】 | Love tips | 小月巴

IMG

愛一個人,無話一定可以一世不變。無論曾經有幾愛,感覺無左就無左,留唔住叫唔停,呢一刻身邊最重要既佢,下一秒都有可能變成陌生人。

緣份係一個貪玩既小鬼,有事無事就送上一些惡作劇,有時係曖昧既第三者,有時係突如其來既小磨擦。悟空捱過九九八十一難就可以修成正果,但愛侶要受既考驗係無止境,就算你同佢捱得過七年之癮,甚至好似電視劇一樣經歷生死,無人知緣份下次既玩意係咪壓倒駱駝既最後那根稻草。

前度由男主角位置「降呢」到配角,而你亦成為左佢又一位女配角,一個仍然重要,仍然深刻既位置,你為佢喊過、痛過,但眼淚總有流乾既一日,再多既痛都會等到下一個人「主角級人選」幫你撫平傷口,到時候,錯失左既配角又會再度降級,當你同新男主角越穩定,舊人慢慢趺到三、四線,最後成為一個模糊既情人甲。

人生如戲,你係自己人生既主角,但可能有客串過幾多情人甲乙丙既經驗,身邊既主角候選亦不斷改變,拒絕你既、出途離場既,全部都只係你生命中既男二女二,將來亦只會繼續降級到情人甲,成為你下一段關係既養份。

一次次既失敗就當交學費,賺夠了經驗,再次將愛情交到主角手上既時候,就識得避開緣份既刁難,將兩個人既愛情守護更長的時間,將來幾十年既幸福唔睇一時得失,記得曾經孤單過,先可以懷抱勇氣繼續追求,即使繞再多既冤枉路都一樣走得返去正途。

我要留言