【認真喜歡我,或是有心敷衍我?見一個愛一個捉不住星座男Top 3】 | Horoscopes | 小月巴

pixta

世間所謂既花心賤男,有著相似特質,見一個愛一個。或者佢並唔係有心欺騙你既感情,但佢更加重視自己既喜樂和感受,所以貪新忘舊。

第三名:人馬座
自由奔放型既人馬座,比起伴侶更重視自己既感受,就算同你拍緊拖,見到另一個心動既對象,都會毫不猶豫去追求。享受刺激同新鮮感,越難追越要追到,如果佢對你有感覺,會願意做盡一切來氹你開心,但一失去心跳既感覺就會徹底放手,再搵下一個對象,就算朋友家人勸告、女朋友喊住挽留,都留唔住人馬男既心。

第二名:白羊座
白羊座個性衝動,發現自己愛上一個人,未及深思就主動出擊追左再講。情緒來得快走得快,嬲一陣就嬲完,愛情既感覺都一樣,衝動用完就無以為計,為講分手唔介意直接承認自己變心;而且白羊座耳仔軟,唔小心又會被外邊花花世界勾走。

第一名:雙子座
雙子座善於交際,但正因為太過圓滑,喜惡不形於色,看似對你有感覺,下一秒又會對另一人流露同樣既感情,但心裡理性既一面其實對兩個人都無特別興趣。就算過到曖昧階段,雙子男真係做左你男友,都仍然捉摸不定,身邊圍繞太多朋友,即使佢無變心,都唔會因為你而改變其他人既態度,見對佢對異性太好都有排你擔心。

我要留言