【相愛沒有那麼容易,每個人都有他的脾氣,不斷退讓只會養成野蠻情人!】 | Love tips | 小月巴

pixta_21062729_XL

睇電視劇成日見到一個老土既橋段,情侶鬧交,其中一方轉身離開,表面上很嬲,但又忍唔住倒數,希望對方會追上來,先低頭say sorry。無論為左咩原因鬧交,每個人都希望係對方先認錯,即使心中暗暗知道今次錯既係自己。

雖然愛情無得計邊個愛得多愛得少,但容易心軟既一方始終比較吃虧。不想任由爭執變成冷戰,總要有個抵得諗既人先讓步,有錯就認,但好多時候都唔存在岩與錯,只係兩人睇一件事既出發點唔同,無理由永遠都係同一個人退一步,無止境既遷就係唔會海闊天空。

習慣心軟既你:
因為唔想對方唔開心,唔想對方既背影離你越來越遠,於是你一次一次追上前將佢拉住。識得退讓係好事,但太過容易心軟對兩個人既關係並無好處。愛情唔應該只有單方面既忍讓,習慣隱藏自己既脾氣,收起所有意見,就會慢慢寵壞對方。當佢習慣你會認錯,就唔會反省自己其實都有唔岩,然後更無法容忍下一次你同佢意見分歧,甚至連你道歉都無法令佢消氣。

拖拖拉拉既關係,終有一日佢會踩中你既底線,到時你會發現被磨平既唔係自己既稜角,而是你們既感情。徹底心淡了,無心力再繼續追逐對方,於是感情都係逃唔過消散既結局。

愛一個人,應該希望對方成為更好既人,所以你應該讓佢學識體諒。有些時候,該堅持既就要狠下心唔好讓步,唔需要收埋自己既情緒,等佢意識到你有自己既想法,兩個人先可以好好磨合。

習慣等待對方認錯既你:
有人寵有人鍚自然幸福,但如果只顧自己開心,而睇唔到對方無條件既退讓,背後既心事和情緒,只會將對方越推越遠。頭幾次爭執對方都好快來示好,於是你期待下一次都係對方先追上來,甚至做更多事來哄你開心。轉身離開、唔聽電話,這些生氣既表現變成手段。你發現唔到自己越來越容易發脾氣,越來越唔講道理,甚至隨口講「分手」來威脅,反正對方先認錯就係對方既錯。

直到佢一次爆發,你先發現自己唔小心觸碰到佢既逆鱗,原來佢既脾氣比你更倔強,無再追上來拉住你;甚至你終於開始心急、後悔,想去認錯既時候,發現佢原來唔再稀罕你既回頭。如果要到無法挽回既時候先知道自己太過任性就遲了,就算對方幾愛你,都唔可以大安旨意享受對方既忍讓,該你讓步、體諒既時候就應該去做,愛情係靠雙方既付出先維持落去。

我要留言