【「我鐘意你鐘意我」呢3個星座,會因為寂寞而拍拖!】 | Horoscopes | 小月巴

pixta_23102175

對眼一剎的火花,或是兩人不察覺的觸碰,已經可能係一段關係的開始。兩情相悅當然最好,但有時候,你明明無感覺,只係因為寂寞,所以享受對方的陪伴。「我鍾意你鍾意我」,這種關係好快玩完。


第三名:水瓶座
水瓶座享受自由自在,「無皇管」的生活,同ex.分開左唔會心急搵另一個人困住自己,寧願享受更長的單身日子。偶爾感到無聊,都想有個人陪下自己。水瓶唔介意去酒吧識陌生人,有人向佢告白,只要唔討厭,拍散拖或者一夜情都可以接受。過完戀愛的心癮,唔適合的人分開就得,水瓶繼續單身萬歲。


第二名:天蠍座
與其話天蠍熱衷戀愛,不如講佢地鍾意搞曖昧。就算唔係好想拍拖,身邊照樣有曖昧對象,享受沉醉係曖昧的氛圍入面。天蠍怕日子無聊,等到真正愛的人之前,即使身邊那個未到「鍾意」的程度,同對方出下街都無妨,就當係調劑生活。

第一名:雙魚座
戀愛第一的雙魚,認為自己唔會玩弄感情,要有feel先會拍拖。但由於雙魚的feel太豐富,佢地都唔識分咩係真正的愛情,好容易將同情、感動、寂寞之類的感覺當成心動,接受一個個錯誤的人,要跌過痛過好幾次,雙魚先睇得清愛情的樣貌。

我要留言