【結婚就係要放閃! 5首送給另一半的專屬冧歌】 | Love tips | 小月巴

12345

結婚係人生最重要的一刻,帶住幸福同埋對未來的幻想嫁俾你最愛的人。婚禮台上,另一半拖住你手,望實你深情地唱著學友的「你的名字我的姓氏」、哥哥的「為你鍾情」,或者係前排洗曬腦的「陪著你走」,非常浪漫。但最近流行個人風格,即刻聽下呢幾位歌手送俾另一半的專屬冧歌啦!

1. 王祖藍《跌落凡間的天使》
「是你美麗如斯,像夜深的天使 」王祖藍親自填的詞,入面寫的天使就係李亞男。有才華但行搞笑路線的矮仔,愛上華姐冠軍的高妹,王祖藍和李亞男公開戀情後受到好多議論同嘲笑,佢地從來唔其他人的目光,2015年結婚後經常夫妻檔賺錢,愛得非常高調。但原來兩個人正式係一齊之前,經歷左好幾次的離離合合,全靠一首《跌落凡間的天使》為戀情帶來轉機。

e0676320-b584-11e4-b213-513ceda1158e_TUNGSTAR54340

李亞男接受訪問時講過,選完華姐第一年就識到王祖藍,被他積極追求。細心的祖藍好鼓勵同幫助新入行的佢,自己亦對對方有意,但當時「想睇定啲」,無接受到呢份感情。王祖藍無放棄,繼續追左佢幾年。「情感已被回收幾百份,我也冒要攀登」,最後憑呢首歌打動左李亞男的心。 

df3667c0-b585-11e4-8f98-b76404ea60e9_TUNGSTAR54344



2. 鍾嘉欣《我結婚了》
可以講係TVB發展最好的華姐,鍾嘉欣除左做演員拍劇外,仲係一個實力歌手,唱左好多好聽的劇集主題曲。要結婚的時候,鍾嘉欣亦親自作曲,由好友王祖藍幫佢填詞,《我結婚了》完全寫出左鍾嘉欣「恨嫁」的心情。

bkn-20160228152653008-0228_00862_001_05p

「傻傻的你傻傻的我傻傻愛吧」,輕快的旋律配上甜到漏的歌詞,就聽得出鍾嘉欣對步入婚姻有幾興奮。回望養大自己的父母,再投入會一世愛自己的老公懷中,佢地的愛情就好似歌詞一樣「看得清楚幸福感覺滿溢」。

1456305059808_0EB2210B86D839DCF87AB9219C65AE62



3. 陳柏宇《霸氣情歌》
「隱世歌手」陳柏宇係愛情方面絕對唔低調,佢自己都話《霸氣情歌》係極自大的歌,唔同一般婚禮歌的風格,似返自己同女朋友的性格,同輕鬆搞笑的相處模式。由好兄弟林奕匡作曲、Wyman填詞 ,「跟你熱吻,旁人要放閃,閃不過」、「比拼下去,旁人叫愛戀,也是錯」,歌詞寫出陳柏宇和老婆Leanne愛得多「霸氣」,愛贏其他情侶,全世界最幸福的感覺。

6

《霸氣情歌》連MV都夠「閃足一世」。婚禮版MV就有兩人的婚禮的足本記錄,由場地佈置、兄弟姐妹團、到兩人宣誓、切蛋糕、拋花球,滿滿的幸福笑容;正式版MV就以一鏡到底的方式拍攝,一張張長枱放滿對陳柏宇有意義的物件,走過去之後最重要的一樣已經一早係西裝褸袋入面,寓意兩個人走過的五年時光,最終成就美事。

7

4



4. 林奕匡《第一個早晨》
自己作曲,配上好搭檔陳詠謙的詞,林奕匡溫暖又治癒的歌聲唱著《第一個早晨》,「但願天天看着你入眠,靜靜呼吸應付潮流變」、 「我正好夠笨,永遠在你面前自動地安份。就這麼答允你即管放心」 ,像一句句的告白,希望對方將未來交託俾自己;又好似在訴說心願,描述腦海中美麗幸福的畫面。林奕匡和女朋友Rikko終於在上個月結束十年愛情長跑,正式拉埋天窗。

3

MV用上兩人在巴黎拍婚紗相的畫面,在法國的街頭拖手散步,互相喂食,「一起飛奔世界名勝,炫耀著我幸運」,鏡頭影低曬每一刻的燦爛笑容。作為彩蛋,MV最後的婚禮畫面,仲記錄左佢地交換戒指的一刻。

5



5. 陳美詩《我會照顧你》
《我會照顧你》係一首由女方唱俾另一半的歌。反轉女人將幸福付託的傳統,陳美詩用歌聲宣誓自己要照顧老公一生一世,「你一向粗心,我幫你小心,你不再是一個人;你不再單身,凡事平均分,天塌下都有二人」 。獨立的現代女性,嫁人不只係為依靠,女人一樣有能力保護最愛的人。

1

陳美詩同一樣係歌手的孫耀威愛情長跑8年,差點要經歷了生離死別。陳美詩曾於日本拍節目時遇車禍;孫耀威試過係上海被勒索幾百萬,幾乎患上抑鬱,陳美詩都係佢身邊不離不棄,一次次驚險令佢地感情更加深厚,成為可以互相依靠的伴侶。孫耀威出新歌《It’s My Day》順便宣佈婚事,而陳美詩亦將回歸樂壇第一首歌《我會照顧你》送俾對方。

2



圖片來源:YouTube、鍾嘉欣微博、Yahoo娛樂圈

我要留言