【識左三日嫁俾佢?閃婚前請先想清楚的三件事】 | Love tips | 小月巴

pixta_27077018_XL123

奇妙電視新劇《閃婚100天》,講一個熱愛自由的港女海兒和沉穩踏實的台男彥廷,係日本相遇熱戀,閃婚之後發現大家原來好唔夾的故事。作為觀眾,可以嘲笑佢地不理智的行為,就算結局不美滿,最多就為角色落幾滴淚。但如果發生係自己身上又可以點揀?

子華神:「男人可以同你結婚,因為係一時衝動就做得到」,但一世人的婚姻,不應該只有一時衝動,仲有更多現實的考量。如果你同對方識左幾日,愛到天昏地暗,被那不斷閃過「即刻去登記結婚」的念頭控制大腦同你的動作之前,最好先睇清楚呢三件事。

1. 生活習慣
雖然短短幾天半個月的相處,係無可能完全了解對方。但首先自己要張開雙眼,唔好聚焦係對方對你的體貼和浪漫舉動,無論係熱鬧街頭大叫「我愛你」、幫你的戰利品俾錢,發誓一世愛你,只要仲係「鐵達尼愛情極限」的新鮮期,男人都可以為你做到。反而不自覺的小動作,先可以睇清楚對方的生活習慣和個性。

銀包入面係整齊還是亂放、排隊食飯或等車會黑面還是不耐煩的行來行去、會挑食還是喜歡每餐都飲酒、有無食煙等等,只要有心一樣可以了解對方。另外,聊天的話題可以多傾生活的大小事,看到街上發生的事,交換雙方的想法,或者佢會點處理同一件事。如果發現他每兩個月就去一次旅行,你卻寧願把錢拿去投資,好明顯你地兩個的習慣和對將來的規劃好大差異。

2. 人際關係
一識到新朋友,第一件事就係交換Facebook,透過一個人的社交平台,可以睇到好多野,,會po同家人朋友的合照,還是明顯俾你一個空白的小號,一年都無幾次更新。同你出街的過程,對方有無經常玩手機,覆訊息時的反應,接到朋友或者屋企人來電時,態度係不耐煩、樂意幫忙對方,還是傾得太開心完全忘記左你的存在。

既然諗過閃婚,同佢一生一世,不妨多講自己家庭或同事之間的問題,希望對方俾你意見,從中知道對方如何看待家人,平時的人際關係、交友習慣同自己是否相同。最起碼都交換大家屋企人的照片,到時要結婚都不至於叫錯人。

3. 責任感
如果你地拍左幾日拖,佢同你提議結婚,唔好咁快開心住,其實已經證明佢無責任感!雖然愛情時間長短,同幸福的未來係無直接關聯。咁多愛情長跑的例子,證明左結婚前有太多太多準備。如果佢只係睇幾日的甜蜜,並無打算先深入了解,就擅自幻想將來是一樣的美好,非常的不負責。好可能佢面臨任何人生大事決定都會一樣的思慮不周全。

而如果提出閃婚的是你,除了講你被沖昏頭腦外,答應你的他都係一樣。兩個無責任感的人結婚了,打算順其自然,無諗過要如何磨合,吵架衝突的機會一定比其他情侶多,甜蜜的回憶又不夠時間好好累積,互相抵銷之後愛意又會剩低多少呢?

我要留言