【又怕又要睇!農曆七月必回顧林正英殭屍經典】 | Living | 小月巴

12345

要數香港電影的輝煌時代,林正英的殭屍片絕對不得不提,無法被取代。自從《殭屍先生》掀起風潮後,「殭屍道長」及戲中名字「九叔」就成為了林正英的代名詞。要回顧「九叔」的經典作品,最岩揀係農曆七月的而家!

第三位:《驅魔道長》
1993的《驅魔道長》,是林正英後期的作品,最大的特色就是中西殭屍同驅魔法術的比拼,九叔的桃木劍對吸血鬼無效;「燕赤霞」午馬飾演的神父向殭屍潑聖水亦毫無作用,最後只好來個中西合壁,道士與神父合作打殭屍。

dvd-1-2444


第二位:《一眉道人》
由蝙幅引起的麻煩事揭開序幕, 一眉道人要對付的竟然係西洋殭屍!由林正英親自執導的《一眉道人》雖然被指劇情略微單薄,分鏡混亂,但首次將大boss由傳統著官服「跳下跳下」的中國殭屍變成西方吸血鬼,呢份創意就已經足夠成為經典。而戲中形象一向正氣嚴肅的九叔,竟然係《一眉道人》養可愛小殭屍,絕對係一大亮點。

dvd-1-2129


第一位:《殭屍先生》
《殭屍先生》係林正英殭屍片的開山之作,大獲好評之後,開拍殭屍片成為左風潮,林正英和殭屍電影從此結下不解之緣。香港電影係八、九十年代,紅遍亞洲甚至國際,《殭屍先生》絕對功不可沒,係經典中的經典。

zoommovie


自林正英過身後,殭屍片無左靈魂人物之餘,港產電影亦開始沒落。廿年之後,Juno麥浚龍一套《殭屍》成功將殭屍電影,同一班殭屍電影演員吳耀漢、陳友、錢小豪帶返觀眾眼前,令殭屍題材由老土變流行,被年輕一代所接受。《殭屍》炒起熱潮,近年陸續有殭屍題材電影上映,而一直被認為係「林正英接班人」的錢小豪,亦接拍多套的殭屍片,當年九叔身邊的徒弟仔,今日戲中已經成為師父,帶住一批未來新星繼續斬妖除魔。

rigor_mortis_poster

8

港產片處於復興階段,電影人想要打破頹態,重返主流,又不想被合拍題材限制,經典的殭屍題材或者就係答案。

圖片來源:Zoommovie、電影官方粉專

我要留言