【假日復古行程!那些台劇和電影最愛3大日式建築場景!】 | Travel | 小月巴

12345

台灣經過日治時期,各地保留左好多特色的日式建築除左開放參觀,好多日式建築仲成為台劇同電影取景的地方。經過偶像明星加持後,吸引左更多劇迷、粉絲去朝聖。周末最岩同閨蜜一齊,跟隨偶像走的腳步,做一個下午的文青女孩。

1. 湖畔料亭《鬥牛要不要》
Hebe飾演的伊勝雪,屋企原來係新竹一個叫「湖畔料亭」的地方取景。聽個名就知道係一個望到湖景的高級日本料理店,果然,湖畔料亭大約係30年代建成,係日治時期日本人接待高級文官將領、富商的飲宴場所,難怪住係入面的伊勝雪有一種日本黑道大小姐的感覺!

a632afb5

係台灣光復之後,湖畔料亭轉由軍方使用,陸續成為「空軍醫務隊新竹駐地」、「空軍子弟小學校」及「空軍高級軍官眷舍」,所以亦被稱為「空軍十一村」。而家湖畔料亭納入新竹公園的範圍,參觀完伊勝雪屋企仲可以係公園散步、喂金魚,過一個好寫意的上午。

201402新竹 004_副本


2. 北投文物館《殺手歐陽盆栽》
日式庭園總係帶點幽靜禪意,好適合摸住酒杯底,同好友促膝長談。《殺手歐陽盆栽》入面,獎門人飾演的「騙神」亦揀係清幽的北投文物館,同紅顏知己傾心事。

killer00845

下載

以前係高級溫泉旅館「佳山旅館」,仲曾經用作「日本軍官俱樂部」,北投文物館唔只得個樣,入面一樣保留住日式不規則動線的間格,除左有常設展館介紹北投早期文物之外,更可以預約茶道教學,真係有去左日本跟大師學茶道的感覺。而原本溫泉旅館的日本大宴會廳,而家活化成多功能聚會廳,想像下坐係鋪滿榻榻米的大廣間,頭頂昏黃的燈光,就好似返左日本古代一樣,隨時都可能有個武將推開木門入來,同將軍商議大事。

01

3_h

pic_3g

3. 文創頭圍園區《巷弄裡的那家書店》
位於頭城火車站旁邊,前身係台鐵員工宿舍的「文創頭圍園區」,搖身一變成為男主角向書磊失憶後,停留係宜蘭小巷經營的二手書店。二手書的溫度、男女主角相遇的緣份,一套偶像劇令呢個文創園區增添左更濃郁的文藝氣息。

1411450642-1162704747 (1)

13221093_1008175265937206_8191021513990003314_n

日式建築以杉木、檜木打造,有超過90年歷史,園區入面不僅有歷史的資料,仲有創意工作坊、咖啡廳等,如同台北的華山文創或松菸文創一樣帶有藝術人文氣息之餘,仲多左份和風格調,最岩來一場文青之旅!

12241224_929157327172334_4860223612162240675_n


圖片來源:《巷弄裡的那家書店》、北投文物館官網,文創頭圍園區專頁,《鬥牛要不要》、《殺手歐陽盤栽》片段

我要留言